پرائم منسٹر ٹیلنٹ ہنٹ سپورٹس پروگرام کے ذریعے گراس روٹ سطح پر کھیلوں کے ٹیلنٹ کو اجاگر کرنے میں مدد مل رہی ہے، قدوسیہ راجہ

انٹرنیشنل ٹیبل ٹینس امپائر قدوسیہ راجہ نے کہاہے کہ ملک میں کھیلوں کے ٹیلنٹ کی کمی نہیں بلکہ پرائم منسٹر ٹیلنٹ ہنٹ سپورٹس پروگرام کے ذریعے گراس روٹ سطح پر کھیلوں کے ٹیلنٹ کو اجاگر کرنے مدد مل رہی ہے۔ ان خیالات کا اظہار انہوں نے گزشتہ روز پاکستان سپورٹس کمپلیکس کے حمیدی ہال میں جاری پرائم منسٹر ٹیبل ٹینس ٹیلنٹ ہنٹ یوتھ سپورٹس لیگ کی افتتاحی تقریب کے بعد میڈیا سے گفتگو کرتے ہوئے کیا۔

انہوں نے کہا کہ ملک کھیلوں کا بے پناہ ٹیلنٹ موجود ہے لیکن اس ٹیلنٹ کونکھارنے کے لئے کھلاڑیوں کو گراس روٹ سطح پر سہولیات فراہم کرنے کی ضرورت ہے۔ لیگ میں پانچ ریجنز کی بوائز اینڈ گرلز کی ٹیمیں حصہ لے رہی ہیں جن میں میرپور ریجن، مظفرآباد ریجن، گلگت ریجن، سکردو ریجن اور اسلام آباد ریجن کی ٹیمیں شامل ہیں۔ ایونٹ 5 جنوری تک جاری رہے گا۔ ایونٹ کے اختتام پر کامیابی حاصل کرنے والے ٹیموں کے کھلاڑیوں میں انعامات تقسیم کئے جائیں گے۔