آئی ایس پی آر 4 فروری: ملٹی نیشنل میری ٹائم ایکسرسائز امن 2025 اور پہلے امن ڈائیلاگ کی میڈیا بریف کا کراچی میں انعقاد

آئی ایس پی آر 4 فروری: ملٹی نیشنل میری ٹائم ایکسرسائز امن 2025 اور پہلے امن ڈائیلاگ کی میڈیا بریف کا کراچی میں انعقاد

کمانڈر پاکستان فلیٹ ریئر ایڈمرل عبدالمنیب نے امن مشق اور امن ڈائیلاگ کی تفصیلات سے میڈیا کو آگاہ کیا۔

پاک بحریہ کے زیر انتظام کثیرالقومی بحری مشق امن کا نواں ایڈیشن اس سال 7 سے 11 فروری تک منعقد کیا جا رہا ہے۔

60 سے زائد ممالک اپنے بحری اور فضائی جہازوں، اسپیشل آپریشن فورسز/ میرینز کی ٹیموں اور مندوبین کے ساتھ امن مشق 2025 میں شرکت کر رہے ہیں۔

ہاربر فیز 7 سے 9 فروری تک منعقد ہوگا جس میں بحری امور سے متعلق سیمینارز، آپریشنل مظاہرے، بین الاقوامی ثقافتی اجتماعات اور کھیلوں کی سرگرمیاں شامل ہیں۔

سی فیز کا انعقاد 10 سے 11 فروری تک ہو گا جس میں انسدادِ بحری قزاقی اور دہشت گردی کی مشقیں، سرچ اینڈ ریسکیو آپریشنز، لائیو فائرنگ اور بین الاقوامی فلیٹ ریویو شامل ہونگیں۔

پاک بحریہ مشق امن 2025 کے ساتھ پہلی بار “امن ڈائیلاگ” کا آغاز بھی کر رہی ہے۔

امن ڈائیلاگ میں دنیا بھر سے بحری افواج اور کوسٹ گارڈز کے سربراہان شرکت کریں گے۔

امن ڈائیلاگ عالمی بحری قیادت کو سمندری مسائل پر تبادلہ خیال کرنے کا بہترین موقع فراہم کرے گا۔ کمانڈر پاکستان فلیٹ

امن مشق میں بڑھتی ہوئی عالمی شرکت عالمی میری ٹائم سیکیورٹی میں پاک بحریہ کے کردار پر بین الاقوامی برادری کے اعتماد کو ظاہر کرتی ہے۔ کمانڈر پاکستان فلیٹ