کوئٹہ(یو این اے )محکمہ پولیس نے سوئی سدرن گیس تھانہ قائم کردیا۔اس سلسلے میں حکومت بلوچستان کی منظوری کے بعد گیس چوری اور واجبات کے حوالے سے مقدمات کے اندراج کے لئے الگ تھانہ قائم کیاگیاہے ،سوئی سدرن گیس کمپنی کی جانب سے حکومت بلوچستان کو سمری ارسال کی گئی تھی سمری میں بتایا گیا تھا کہ سوئی سدرن گیس کمپنی کے عملے کو گیس چوری کے حوالے سے شدید مشکلات کا سامنا کرنا پڑتا ہے سمری میں لکھا تھا کہ سوئی سدرن گیس کمپنی کا کوئی تھانہ نہیں جس میں چوری میں ملوث افراد کے خلاف مقدمات درج کئے جائیںوزیراعلی بلوچستان عبدالقدوس بزنجو نے سوئی سدرن گیس کمپنی تھانہ بنانے کی منظوری دیدی ڈی آئی جی کوئٹہ غلام اظفر مہیسر نے فوری اقدامات کرتے ہوئے سول لائن پولیس اسٹیشن میں سوئی سدرن گیس تھانہ قائم کردیاسب انسپکٹر یاسر شہزاد ایس ایچ او سوئی سدرن گیس تھانہ ہیڈ کانسٹیبل سمیت تین اہلکاروں کو بھی سوئی سدرن گیس تھانہ تعینات کردیاوزیراعلی کی جانب سے تھانے کے لئے 25اہلکاروں پر مشتمل نفری کی بھی منظوری دی تھانہ صوبائی دارالحکومت میں جہاں بھی گیس چوری کا واقعہ ہوگا ان کے خلاف مقدمہ درج کرکے گرفتاری کرئے گی۔
Comments are closed.