پاکستان کے سابق صدر آصف علی زرداری کی گھوٹکی کے علاقے خانگڑھ میں گوہر پیلس پر آمد

میرپور ماتھیلو( تنویر احمد سومرو/ نمائندہ ) پاکستان کے سابق صدر آصف علی زرداری کی گھوٹکی کے علاقے خانگڑھ میں گوہر پیلس پر آمد. سابقہ ایم پی اے علی گوہر مھر کی جانب سے استقبالیہ دیا گیا. مخالفین آئیں اور الیکشن میں کھڑے ہوں ہم انہیں ویلکم کہیں گے . فلسطین میں مسلمانوں پر ظلم ہورہا ہے اور ہم کچھ نہیں کر سکتے. آصف زرداری کا جلسے سے خطاب

تفصیلات کے مطابق ضلع گھوٹکی کی تحصیل خان گڑھ میں واقعہ گوہر پیلس میں کارکنان سے خطاب کرتے ہوئے سابق صدر اصف زرداری نے کہا کہ ہم نے چیئرمین پی ٹی ائی کو اس لیے نہیں ہٹایا کہ ہمیں حکومت یا ہمیں اختیارات کی ضرورت تھی مخالفوں کو پیغام ہے کہ ہم نے چیئرمین پی ٹی ائی کو اقتدار پانے کے لیے نہیں ملک بچانے کے لیے ہٹایا انہوں نے کہا کہ اس وقت دنیا میں بہت سے مسائل چل رہے ہیں وہ پہلے سیاستدان ہیں جنہوں نے فلسطین کی بات کی تھی اج فلسطین میں مسلمانوں کے ساتھ ظلم ہو رہا ہے لیکن افسوس کہ ہم کچھ نہیں کر رہے. آصف زرداری نے کہا کہ ہم نے ہمیشہ عوام اور غریبوں کی نوکری کی ہے ہماری سوچ اتنی ہے کہ ہم ہر چیز کر سکتے ہیں ہم سمندر سے آپ کو بلین ڈالرز کما کر دے سکتے ہیں. انکا کہنا تھا کہ انہوں نے ہر چیز سوچ کر پریکٹیکلی پہلے بھی کی آج بھی کی ہے ہماری سیاست اپنی ہے آپ کی سیاست اپنی ہے، ہماری فلاسفی اپنی ہے اپ کی فلاسفی اپنی ہے ہم نے عوام کی نوکری کی ہے بھٹو کی قبر پر لکھا ہوا ہے کہ یہاں عوام کا نوکر دفن ہے ہماری سیاست عوام کی سیاست ہے . پیپلزپارٹی انسانی خدمت پر یقین رکھتی ہے اور انسانیت کی خدمت سے ہی جنت ملے گی .ہماری نمازیں، روزے قبول ہوں یا نہ ہوں لیکن غریبوں کی مدد کرنا اللہ ضرور قبول کرے گا. سابق صدر نے کہا کہ ہمیں پتہ ہے کہ بارڈر کے دوسری طرف مسلمانوں کے ساتھ کیا ہو رہا ہے ہمیں اپنی سیاسی روایات پر چلنا ہے ہم نے بی بی کی شہادت پر کہا تھا کہ پاکستان کھپے ہمیں اپنی اگلی نسل کا سوچنا ہے ضروریات سمجھ کر وقت سے پہلے انتظام کرنا ہے اصف زرداری کا مزید کہنا تھا کہ پاکستان اس وقت معاشی طور پر کمزور ہو رہا ہے ہم نے جب بھی بات کی ملک کی بات کی ہماری اس دھرتی سے یاری ہے اور کسی سے نہیں ہم دنیا سے پاکستان کا حق لے کر رہیں گے. اس موقع پر خورشید شاہ، سید قائم علی شاہ، آغاسراج درانی، نثار احمد کھوڑو، سابق وزیر اعلیٰ سندھ سید مراد علی شاہ، شرجیل میمن سابق ایم این اے خالد احمدلونڈ، سعید غنی، مکیش چاولہ اور عبدالباری پتافی بھی آصف علی زرداری کی آمد پر موجود تھے