کوئٹہ (یو این اے) بلوچستان اسمبلی کی آئینی مدت ختم ہونے میں 2 دن رہ گئے لیکن صوبے میں نگران وزیر اعلی پر اپوزیشن اور حکومت کے درمیان بات چیت شروع نہ ہو سکی۔تفصیلات کے مطابق اپوزیشن جماعتوں نے نگران وزیر اعلی کے لیے ناموں پر مشاورت مکمل کر لی ہے لیکن ذرائع کا کہنا ہے کہ بلوچستان میں نگران وزیر اعلی پر اپوزیشن اور حکومت کے درمیان بات چیت شروع نہیں ہو سکی ہے۔ذرائع کے مطابق بلوچستان نیشنل پارٹی نے میر حمل کلمتی اور جمعیت علماءاسلام نے انجینئرعثمان بادینی کو نامزد کیا ہے، بی این پی، جے یو آئی کے درمیان مشترکہ طور پر ایک نام دینے کے لیے بھی مشاورت جاری ہے۔سرکاری ذرائع کا کہنا ہے کہ وزیر اعلی بلوچستان کی اسلام آباد سے واپسی پر اپوزیشن لیڈر اور وزیر اعلی کی ملاقات ہوگی، ان اسلام آباد سے واپسی آج متوقع ہے، ذرائع نے یہ بھی بتایا کہ میر نصیر بزنجو، سابق ٹیکنوکریٹ میر شبیر مینگل اور کہدہ بابربھی نگراں وزیر اعلی کے منصب کی دوڑ میں شامل ہیں۔سرکاری ذرائع کے مطابق بلوچستان اسمبلی 12 اگست کو تحلیل ہوگی ، صوبائی اسمبلی 13 اگست 2018 کو وجود میں آئی تھی۔
Comments are closed.