وزیر اطلاعات, ٹرانسپورٹ و ماس ٹرانزٹ شرجیل انعام میمن نے کہا ہے کہ طوفان بیپر جوائے کے خدشے کے پیش نظر ساحلی پٹی سے 5981 خاندان کے 22260 افراد کو محفوظ مقامات پر منتقل کر دیا گیا ہے.

کراچی
13 جون 2023

وزیر اطلاعات, ٹرانسپورٹ و ماس ٹرانزٹ شرجیل انعام میمن نے کہا ہے کہ طوفان بیپر جوائے کے خدشے کے پیش نظر ساحلی پٹی سے 5981 خاندان کے 22260 افراد کو محفوظ مقامات پر منتقل کر دیا گیا ہے.

ایک بیان میں شرجیل انعام میمن نے اعداد و شمار جاری کرتے ہوئے بتایا ہے کہ ضلع ٹھٹہ سے 4000 افراد, ضلع بدین سے 17320 اور ضلع سجاول سے 4727 افراد کو محفوظ مقامات پر منتقل کیا جا چکا ہے.

انہوں نے کہا کہ تحصیل کیٹی بندر سے 3000 ہزار افراد, تحصیل گھوڑا باری سے 1000 افراد کو محفوظ مقامات پر منتقل کیا گیا ہے.

شرجیل انعام میمن نے اپنے بیان میں مزید بتایا کہ تحصیل شہید فاضل راہو سے 14310 اور تحصیل بدین سے 3010 افراد, جبکہ تحصیل جاتی سے 1727 افراد اور تحصیل کھارو چھان سے 3000 افراد کو محفوظ مقامات پر منتقل کیا گیا ہے.

انہوں نے بتایا کہ کیٹی بندر میں 7, گھوڑا باری میں 3, شہید فاضل راہو میں 10, بدین میں 3 اور ضلع سجاول کے تحصیل جاتی میں 4 رلیف کیمپس قائم کئے گئے ہیں.