نصیرآباد: 13نومبر- ڈپٹی کمشنر جھل مگسی اعجاز سرور نے اسسٹنٹ کمشنر گنداواہ محمد صادق کبدانی کے ہمراہ ڈسٹرکٹ ہیڈ کوارٹر ہسپتال گنداواہ کا سرپرائز دورہ کیا ۔ اس موقع پر ضلعی ناظم صحت ڈاکٹر رخسانہ مگسی نے انھیں مذکورہ ہسپتال میں ادویات کی دستیابی ملیریا کٹس و دیگر مختلف شعبہ جات ، تعمیراتی کام کے حوالے سے تفصیلی بریفنگ دی ، ڈپٹی کمشنر جھل مگسی اعجاز سرور نے ڈاکٹرز ودیگر اسٹاف کی حاضری چیک کی اور صفائی و ستھرائی کے ساتھ تمام اسٹاف کو اپنی حاضری یقینی بنانے کی ہدایات جاری کرتے ہوئے کہا کہ تمام ڈاکٹرز ودیگر اسٹاف مقدس فریضہ سمجھ کر اپنے فرائض منصبی کی ادائیگی میں مصروف عمل رہیں تمام ڈاکٹرز ودیگر اسٹاف پر زور دیا کہ حکومت بلوچستان کی اولین ترجیحات میں غرباء و مساکین کو بنیادی مراکز صحت و سرکاری ہسپتالوں میں مفت ادویات و طبی سہولیات کی فراہمی ھے جس کیلئے ہنگامی بنیادوں پر حکومت بلوچستان کی جانب سے تمام تر وسائل بروئے کار لائے جارہے ہیں تاکہ غریب لوگ حکومت کے ان اقدامات سے بھرپور انداز میں مستفید ہو سکیں اس کے لئے ضروری ہے کہ ڈاکٹر حضرات ودیگر شعبہ صحت سے منسلک عملہ اپنے فرائض منصبی کی ادائیگی میں کسی بھی قسم کی کوتاہی و غفلت سے گریز کریں حکومت نے جو ذمہ داری عائد کی ہے اس پر پورا اترنے کے لئے تمام تر توانائیاں صرف کریں سستی ،کاہلی و غفلت کا مظاہرہ ہرگز برداشت نہیں کیا جائے گا گنداواہ و گردونواح کے دور دراز علاقوں سے آنے والے مریضوں کو فوری طبی امداد کی فراہمی کیلئے ڈاکٹرز و دیگر اسٹاف اپنا فریضہ نہایت ہی خوش اسلوبی کے ساتھ سرانجام دیں ۔ تاکہ عوام کو بہتر سے بہتر طبی امداد فراہم کی جاسکیں مزید انھوں نے ایس ڈی او بلڈنگز محمد یونس ابڑو کو ہسپتال کی زیرِ تعمیر عمارت کے کام کو جلد از جلد پایہ تکمیل تک پہنچانے کے احکامات صادر کر دیئے تاکہ ضلع جھل مگسی کی عوام حکومت کے پراجیکٹس سے زیادہ سے زیادہ مستفید ہوسکیں۔
Comments are closed.