راولپنڈی۔13دسمبر (اے پی پی):ڈیرہ اسماعیل خان کے علاقے درابن میں دہشت گردوں کےحملے میں جام شہادت نوش کرنے والے پاک فوج کے جوانوں کو اپنے اپنے آبائی علاقوں میں مکمل فوجی اعزاز کے ساتھ سپرد خاک کردیا گیا۔
آئی ایس پی آر کے مطابق شہداء کی نماز جنازہ میں پاک فوج کے افسران، جوانوں، عزیز اوقارب اور اہل علاقہ کی بڑی تعداد نےشرکت کی۔آئی ایس پی آر کا کہنا ہے کہ شہداء کی یہ قربانیاں دہشت گردی کے خلاف جاری جنگ میں پاک فوج کے عزم اور حوصلے کو مزید تقویت دیتی ہیں۔دہشت گردوں کے خلاف جاری جنگ آخری دہشت گرد کے خاتمے تک جاری رہے گی۔
Comments are closed.