شانگلہ میں بجلی کی بدترین بندش، دورانیہ12 گھنٹے سے تجاوز کرگیا

شانگلہ 14 دسمبر(ڈسٹرکٹ رپورٹر): شانگلہ میں بجلی کی بدترین بندش، دورانیہ12 گھنٹے سے تجاوز کرگیا۔ کاروبار ٹھپ ہو کر رہ گیا۔ ہسپتالوں اور سرکاری دفاتر میں بھی عوام کوشدید مشکلات کا سامنا کرنا پڑرہا ہیں،گزشتہ کئی مہینوں سے ہر ایک گھنٹے بعد دو اور تین گھنٹے بجلی بندش کے بعد پور اپورا دن بجلی بندش شروع ہوگئی ہیں،سردیوں کے موسم میں شانگلہ جیسے علاقوں کے خوڑوں میں پانی کا بہاؤ کم ہوجاتا ہیں جس سے مقامی پن بجلی گھر میں ناکارہ ہوجاتے ہیں۔گزشتہ دو دنوں سے مختلف علاقوں میں سردی کی شدید لہراور بجلی بندش نے علاقہ مکینوں کی زندگی عذاب بنا دی۔ لیگی صدر امیر مقام کے آبائی حلقے میں واپڈا بجلی کی صورتحال انتہائی ناساز ہونے کے بعد علاقہ مکینوں کاشدید احتجاج۔سوشل میڈیا پر امیرمقام پر برس پڑے،شانگلہ سے ووٹ لینے والے اس علاقے کی نمائندگی کے اہلیت نہیں رکھتے۔بجلی،انٹرنیٹ کا حال انتہائی خراب ہیں۔ انجمن تاجران ایکشن کمیٹی کی جانب سے بجلی کی غیر اعلانیہ لوڈشیڈنگ اور مسلسل بندش کے خلاف احتجاج پر مشاورت کی جارہی ہیں۔ شانگلہ سو میگاواٹ سے زائد بجلی پیدا کرتا ہے جبکہ اس کی کل طلب پانچ میگاواٹ تک ہے تاہم اس صورتحال میں شانگلہ میں بجلی صورتحال انتہائی خراب ہے اور روزانہ کی بنیاد پر بجلی بند کی جاتی ہے جبکہ شانگلہ کے ضلعی ہیڈ کوارٹر پوری اور مضافاتی علاقوں میں کم ولٹیج سے بجلی کی انکھ مچولی جاری ہیں جس کے بعد مکمل طور پر بجلی بند کر دی گئی ہیں جس کی وجہ سے کاروبار ٹھپ ہو کر رہ گیا ہے وہاں دوسری طرف سردی کی شدت میں بھی اضافے کے بعد بجلی پر چلنے والے کاروبار مکمل طور پر ٹھپ اور ہسپتالوں اور سرکاری دفاتر میں لوگوں کو مشکلات کا سامنا کرنا پڑرہا ہیں۔