کوئٹہ14دسمبر(نمائندہ عسکر): وفاقی محتسب کے حکم پر 3 سال سے کوئٹہ کے شہری درخواست گزار پرویز علی کو ہیرا میڈیکل سینٹر سکھر سے ڈسچارج سرٹیفیکیٹ دلوا دیا گیا۔ وفاقی محتسب ریجنل آفس کوئٹہ میں کوئٹہ کے رہائشی درخواست گزار پرویز علی نے درخواست دائر کی تھی کہ 3 سال قبل انہوں نے ہیرا میڈیکل سینٹر سکھر میں ماموں کا علاج کروایا اور اس کے بعد جب انہوں نے ڈسچارج سرٹیفیکیٹ طلب کیا تو متعلقہ سینٹر والوں نے دینے سے انکار کیا۔ درخواست گزار کا مزید کہنا تھا کہ انہوں نے اس سلسلے میں کہی بار متعلقہ سینٹر سے رابطہ کیا اور سینٹر کے چکر لگائے مگر انکی کوئی شنوائی نہیں ہوئی۔ بالآخر مجبور ہو کر انہوں نے انصاف کے حصول کی خاطر وفاقی محتسب کے ادارے میں درخواست دائر کی۔ درخواست موصول ہوتے ہی ریجنل افس کوئٹہ کے عملے نے انکوائری کا اغاز کیا۔ اور متعلقہ محکمے کے عملے کو طلب کر کے جواب مانگا۔ متعلقہ محکمہ جواز پیش کرنے میں ناکام رہا۔ چنانچہ وفاقی محتسب نے احکامات جاری کی کہ فوری طور پر درخواست گزار کا ڈسچارج سرٹیفیکیٹ انہیں فراہم کیا جائے ۔ وفاقی محتسب کے احکامات موصول ہوتے ہی متعلقہ محکمے نے درخواست گزار کا ڈسچارج سرٹیفیکیٹ ان کو فراہم کیا گیا۔ درخواست گزار نے وفاقی محتسب کے اس احسن اقدام پر ان کا شکریہ ادا کیا۔
Comments are closed.