اسلام آباد۔15دسمبر (اے پی پی):نگران وزیرِ اعظم انوار الحق کا کڑ نے ٹانک، ڈیرہ اسماعیل خان میں پولیس لائنز اور ضلع خیبر میں پولیس اور فرنٹیئر کور کی مشترکہ چیک پوسٹ پر دہشتگردوں کے حملوں کی شدید مذمت کی ہے۔
جمعہ کو وزیراعظم آفس کے میڈیاونگ سے جاری بیان کے مطاق نگران وزیرِ اعظم نے دہشتگردوں کے ٹانک پولیس لائنز میں شر پسندی کے بڑے منصوبے کو ناکام بنانے پر سکیورٹی اہلکاروں کو خراجِ تحسین پیش کیا۔نگران وزیراعظم نے کہا کہ دہشتگردی کے عفریت کے پاکستان سے مکمل خاتمے تک یہ جنگ جاری رکھیں گے۔
مجھ سمیت پوری قوم، ملک کی حفاظت کی خاطر اپنی جانوں کا نذرانہ پیش کرنے والے سکیورٹی فورسز کے بہادر اہلکاروں کو خراجِ عقیدت پیش کرتی ہے۔نگران وزیرِ اعظم نے کہا کہ پاکستان کے بہادر عوام دہشتگردی کی اس جنگ میں اپنی سکیورٹی فورسز کے شانہ بشانہ ہیں۔وزیرِ اعظم نے حملوں میں شہید ہونے والے سکیورٹی اہلکاروں کیلئے مغفرت اور اہلِ خانہ کیلئے صبر جمیل کی دعا۔
Comments are closed.