بی آر ٹی پشاورنے نئے ایکسپریس روٹ کا آغازکردیا، ٹرانس پشاور حکام

پشاور۔ 15 دسمبر (نمائندہ عسکر):بی آر ٹی پشاورنے نئے ایکسپریس روٹ کا آغازکردیا ۔ ٹرانس پشاور حکام کے مطابق ایکسپریس روٹ (ای آر 16)کی بس گلبہار چوک سے نواب مارکیٹ فیز 6 تک سفری سہولت فراہم کرے گی،نیاایکسپریس روٹ مورخہ 18 دسمبر سے فعال ہو جائے گا جو کہ کل 15 سٹاپس پر مشتمل ہے۔

ٹرانس پشاور حکام کے مطابق سٹاپس میں گلبہار چوک، ملک سعد شہید، صدر بازار، تہکال بالا، آبدرہ، یونیورسٹی آف پشاور، بورڈ بازار، مال آف حیات آباد، زرغونی مسجد، ملک سعد مارکیٹ، حاجی کیمپ، مدرسہ، فیز 7 ٹرمینل، گول چوک اور نواب مارکیٹ شامل ہیں۔ ٹرانس پشاور حکام کے مطابق اس روٹ کے اجرا سے موجودہ روٹس پر رش میں کمی آئے گی،اس وقت بی آر ٹی کی تمام 244 بسیں مکمل طور پر فعال ہیں جن میں تقریبا 3 لاکھ مسافر روزانہ کی بنیاد پر سفر کرتے ہیں ۔