ویلنگٹن ۔15دسمبر (اے پی پی):نیوزی لینڈ اور پاکستان کی خواتین ٹیموں کے درمیان تین ایک روزہ بین الاقوامی کرکٹ میچوں پر مشتمل سیریز کا تیسرا اور آخری میچ 18 دسمبر کو ہیگلے اوول، کرائسٹ چرچ میں کھیلا جائے گا۔ نیوزی لینڈ ویمنز کو تین میچوں کی سیریز میں پاکستان کی خواتین ٹیم کے خلاف 0-2 کی فیصلہ کن برتری حاصل ہے ۔ میزبان خواتین ٹیم نے گرین شرٹس کو پہلے ون ڈے میچ میں 131 رنز سے شکست دی تھی
جبکہ دوسرے ون ڈے میں سخت مقابلے کے بعد ایک وکٹ سے مات دی تھی۔ اس سے قبل پاکستان کی ویمن کرکٹ ٹیم نے میزبان نیوزی لینڈ ویمن ٹیم کو تین ٹی ٹونٹی میچوں کی سیریز میں 1-2 سے شکست دی تھی۔ دونوں ٹیموں کے درمیان ایک روزہ میچوں کی سیریز کا تیسرا اور آخری میچ 18دسمبر کو ہیگلے اوول، کرائسٹ چرچ میں کھیلا جائے گا۔
Comments are closed.