الیکشن انشاء اللہ اپنے وقت پر ہی ہوں گے:محسن نقوی

لاہور16دسمبر(نمائندہ عسکر):وزیراعلیٰ پنجاب محسن نقوی نے کہا ہے کہ الیکشن اپنے وقت پر ہی ہوں گے۔ جنرل ہسپتال میں میڈیا سے گفتگوکرتے ہوئے وزیراعلیٰ محسن نقوی نے کہا کہ پنجاب بھر میں 2600کلو میٹر روڈز کی اپ گریڈیشن مکمل ہوجائے گے۔ انشاء اللہ100کے قریب ہسپتال ری ویمپ ہوجائیں گے۔پنجاب کے 737تھانے 30دن کے اندر اپ گریڈ کرلئے جائیں گے۔ راولپنڈی رنگ روڈ مقررہ مدت میں مکمل نہیں ہوسکتی جبکہ گوجرانوالہ ایکسپریس وے مکمل کرلیں گے۔بند روڈ اوردیگر درجنوں ایسے پراجیکٹ بھی مکمل ہوجائیں گے۔ ہماری کوشش ہے کہ زیادہ سے زیادہ پراجیکٹس مکمل کرکے جائیں۔منصوبوں پر 3،3شفٹوں میں دن رات کام ہورہا ہے۔منسٹر اورمتعلقہ سیکرٹریز پراجیکٹس کی مسلسل مانیٹرنگ کررہے ہیں۔وزیراعلیٰ محسن نقوی نے کہا کہ الیکشن انشاء اللہ اپنے وقت پر ہی ہوں گے۔2،3ماہ پہلے میٹروسٹیشن کا وزٹ کیا جہاں 6ماہ سے پانی ہی نہیں تھا۔انہوں نے کہاکہ وزیرٹرانسپورٹ اورسیکرٹری ٹرانسپورٹ محنت سے سٹیشن پر سہولتیں مہیا کررہے ہیں۔ٹرانسپورٹ سیکٹر کی مینٹینس کے کنٹریکٹ کو ری نیو کیا ہے کیونکہ حالت بہت خراب تھی۔الیکٹرک گاڑیاں چلانے کیلئے کوشش کررہے ہیں۔انہوں نے کہا کہ طلبہ کو سبسڈی پر الیکٹر ک موٹرسائیکل دینے کیلئے کام کررہے ہیں۔پنجاب بھر میں 737تھانوں کی ری ویمپنگ ہورہی ہے،جو کہ 30دن کے اندر مکمل ہوجائیں گی۔پنجاب میں 40نئے تھانے بن رہے ہیں جن میں 23لاہور اورباقی17دیگر اضلاع میں بنائے جائیں گے۔