ملتان چیف انجینئرٹرانسمیشن اینڈ گرڈز میپکو خالد نذیر نے ریکوری صورتحال کا جائزہ لینے کے لئے بہاولنگر سرکل کا دورہ کیا اور سرکل کے زیر انتظام تمام آپریشنل افسران کی ماہانہ اور پروگریسوریکوری کی چیکنگ کی۔

ملتان
چیف انجینئرٹرانسمیشن اینڈ گرڈز میپکو خالد نذیر نے ریکوری صورتحال کا جائزہ لینے کے لئے بہاولنگر سرکل کا دورہ کیا اور سرکل کے زیر انتظام تمام آپریشنل افسران کی ماہانہ اور پروگریسوریکوری کی چیکنگ کی۔ انہوں نے کہا کہ جون کے اختتام تک ریکوری کے لئے ہرممکن کوشش کی جائے۔ رننگ اور ڈیڈ ڈیفالٹرز کے خلاف دن /رات آپریشن کیاجائے اور عدم ادائیگی پر کنکشنز بغیر کسی رعایت منقطع کئے جائیں۔ بڑے ٹیوب ویل اور کمرشل نادہندگان کے ٹرانسفارمرز اُتارے جائیں اور بلوں کی ادائیگی تک بجلی کسی صورت بحال نہ کی جائے۔ انہوں نے تمام ایگزیکٹو انجینئرز اور ایس ڈی اوز کو ہدایت کی کہ گھریلو، کمرشل، ٹیوب ویل اور صنعتی نادہندہ صارفین کی بیچ وائز فہرستوں پر روزانہ مہم چلائی جائے اور شام کو رپورٹ ہیڈکوارٹر بھجوائی جائے۔سرکاری اداروں /محکموں سے بلوں کی وصولیاں کروانے کے لئے متعلقہ حکام سے رابطہ کیاجائے۔ سپریٹنڈنگ انجینئر میپکو بہاولنگر سرکل اشرف محمود نے سرکل کی کارکردگی بارے بریفنگ دی۔ اجلاس میں تمام افسران موجودتھے۔