نگران حکومت کی طرف سے پاورسیکٹرمیں یونین پر لگائی جانے والی پابندی عالمی ادارہ محنت کے بنیادی کنونشن کی خلاف ورزی ہے۔ چوہدری محمد یٰسین

پاکستان ورکرزفیڈریشن و سی ڈی اے مزدور یونین کے جنرل سیکرٹری چوہدری محمد یٰسین،صدراورنگزیب خان،چیئرمین راجہ شاکر زمان کیانی،پی ڈبلیوایف کے چیئرمین عبدالرحمان عاصی و دیگر مزدوررہنماؤں نے نگران حکومت کی طرف سے پاورسیکٹرمیں یونین پر لگائی گئی پابندی کے خلاف مشترکہ بیان میں کہا کہ نگران حکومت کا یہ فیصلہ آئین پاکستان اور عالمی ادارہ محنت کے بنیادی کنوشنزکی خلاف ورزی ہے جس کی ہم شدید مذمت کرتے ہیں،یہ اقدام آئین پاکستان کے آرٹیکل سترہ کے تحت فراہم کردہ کارکنان کے آئینی حقوق کی صریح خلاف ورزی ہے،پاکستان کے آئین کا آرٹیکل سترہ واضح طور پر انجمن سازی کی آزادی کے حق کو تسلیم کرتا ہے جس سے یونینز بنانے کا حق بھی شامل ہے،پور سیکٹر میں سرگرمیوں کو کم کرنے کا فیصلہ اس آئینی شق سے متصادم ہے جو آئین میں درج جمہوری اقدار کو مجروح کرتا ہے اور مزدوروں کے بنیادی حقوق کو متاثر کرتاہے مزید برآں پاکستان ورکرزفیڈریشن اس فیصلے کے پاکستان پرجی ایس پی پلس کی حیثیت پر پڑنے والے اثرات پر تشویش کا اظہار کرتی ہے،جی ایس پی پلس ایک خاص تجارتی معاہدہ ہے جو یورپی یونین کی طرف سے ان ممالک کو دیا جاتا ہے جو انسانی حقوق،مزدوروں کے حقوق، مالیاتی تحفظ اور اچھی حکمرانی سے متعلق بین الاقوامی کنونشنز کو موثر طریقے سے نافذ کرنے کا عہد کرتے ہیں،یونینز کی سرگرمیوں کو محدود کرنے کا فیصلہ مزدوروں کے حقوق کو برقرار رکھنے کے لیے پاکستان کے عزم کے بارے میں سنگین سوالات اٹھاتا ہے،جس کے جی ایس پی پلس اسٹیٹس پر منفی اثرات مرتب ہو سکتے ہیں،پاکستان ورکرزفیڈریشن حکومت پر زور دیتی ہے کہ وہ پاکستان کی سازگار تجارتی حیثیت کو برقرار رکھنے اور بین الاقوامی لیبر معیارات کو برقرار رکھنے کے لیے اپنے موقف پر نظرثانی کرے،پاکستان ورکرز فیڈریشن بین الاقوامی ادارہ محنت (آئی ایل او) کے کنونشنز کی پاسداری کی اہمیت کو بھی اجاگر کرتی ہے،جس پر پاکستان نے دستخط کر کے توثیق کر رکھی ہے،ائی ایل او کنونشنز بشمول کنونشن 87، منظم کرنے اور اجتماعی سودا کاری کے کنونشن 98، جبری مشقت کے کنونشن 29، کنونشن 105 سمیت دیگر کنونشنز، عالمی سطح پر کارکنوں کے حقوق اور وقار کے تحفظ کے لیے ایک اہم فریم ورک تشکیل دیتے ہیں،پی۔ڈبلیو۔ایف نگران حکومت سے مطالبہ کرتی ہے کہ وہ اپنی پالیسیوں کو ائی۔ایل۔او کے ان کنونشنز میں درج اصولوں کے مطابق بناے اور بین لاقوامی معیارات کے مطابق کارکنوں کے حقوق تحفظ کو یقینی بناے،پی۔ڈبلیو۔ایف حکومت وقت سے مطالبہ کرتی ہے کہ وہ مزدوروں کے حقیقی نمائندگان کے ساتھ تعمیری بات چیت کرے تاکہ مزدوروں کے آئینی اور بین القوامی حقوق پر سمجھوتہ کیے بغیر تحفظات کو دور کیا جا سکے،پاکستان ورکرز فیڈریشن محنت کشوں کے حقوق کے دفاع،محنت کے منصفانہ طرز عمل کو فروغ دینے اور کام کرنے کے منصفانہ اور منصفانہ ماحول دینے کے لیے اپنے عزم پر ثابت قدم ہے،اس موقع پر انھوں نے واپڈاہائیڈروالیکٹریک یونین کے جنرل سیکرٹری خورشید احمد،صدرلطیف نظامانی و دیگر عہدیداران کو یقین دلایا کہ ہم ہر فورم پر انکے ساتھ کھڑے ہیں اوراپنی طرف سے مکمل اظہاریکجہتی کا اظہارکرتے ہیں۔