پنجاب بھرمیں 1106ٹریفک حادثات میں 10افراد جاں بحق1160 زخمی ہوئے

پنجاب بھرمیں 1106ٹریفک حادثات میں 10افراد جاں بحق1160 زخمی ہوئے
لاہور: ایمرجنسی سروسزڈیپارٹمنٹ نے گذ شتہ 24گھنٹوں کے دوران پنجاب بھر میں 1106ٹریفک حادثات پر ریسپانڈ کیا جن میں 636افراد شدید زخمی ہوگئے جنہیں فوری طور پر نزدیکی ضلعی و تحصیل کے ہسپتالوں میں منتقل کیا گیا۔524معمولی زخمی لوگوں کو ریسکیومیڈیکل ٹیموں کے جائے حادثہ پر بروقت طبی امداد فراہم کرنے کی وجہ سے ہسپتالوں پر بوجھ بھی کم ہوا۔
ان حادثات میں زیادہ تر تعداد (73فیصد)موٹر سائیکلز حادثات کی ہے اس لیے وقت کی ضرورت ہے کہ روڈ ٹریفک حادثات کی بڑھتی ہوئی شرح کو کم کرنے کے لیے ٹریفک قوانین پر سختی سے عمل کرتے ہوئے لائن اور لین کے نظم و ضبط کا خیال رکھیں۔
ایمرجنسی ا عداد و شمار کے مطابق ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں 576ڈرائیوز،41کم عمرڈرائیور، 485مسافراور109پیدل چلنے والے افراد متاثر ہوئے۔اعدادو شمار سے ظاہر ہوتا ہے کہ276ٹریفک حادثات کی فون کالز لاہور کنٹر ول روم میں موصول ہوئیں جس میں صوبائی درالحکومت293متاثرین کے ساتھ پہلیفیصل آباد 99حادثات میں 102متاثرین کے ساتھ دوسریملتان 65دثات میں 58متاثرین کے ساتھ تیسرے نمبرپررہا۔
واضح رہے کہ ان ٹریفک حادثات کے کل1160متاثرین میں 960مرد اور210خواتین شامل ہیں جبکہ زخمی ہونیوالوں میں 219افراد کی اوسط عمر18سال سے کم اور625افراد کی اوسط عمر 18سے 40سال کے درمیان جبکہ326زخمی افراد کی اوسط عمر 40سال سے زائد ہے۔ان ٹریفک حادثات کے بیشتر واقعات میں 913موٹرسائیکلز،76آٹو
رکشے،120کاریں،26وین،15مسافربسیں،33ٹرک اور89دوسری اقسام کی گاڑیاں شامل ہیں۔

ترجمان ریسکیوپنجاب