خواتین کی حیثیت سے متعلق قومی کمیشن کی چیئرپرسن نیلوفر بختیار نے خواتین کو بااختیار بنانے اور حکومت گلگت بلتستان کے تعاون سے این سی ایس ڈبلیو کے اقدامات سے متعلق اجلاس کی صدارت کی۔

خواتین کی حیثیت سے متعلق قومی کمیشن کی چیئرپرسن نیلوفر بختیار نے خواتین کو بااختیار بنانے اور حکومت گلگت بلتستان کے تعاون سے این سی ایس ڈبلیو کے اقدامات سے متعلق اجلاس کی صدارت کی۔
انہوں نے کہا کہ این ایس سی ڈبلیو گلگت بلتستان میں کم عمری کی شادی کو روکنے کے بل کے مسودے کا جائزہ لینے میں مدد کر رہی ہے۔ انہوں نے کہا کہ یہ بل گلگت بلتستان میں سول سوسائٹی، متعلقہ سرکاری محکموں، تعلیمی اداروں اور مذہبی سکالرز کے تعاون سے تیار کیا جائے گا۔ یہ قانون نوجوان خواتین کو صحت کی بنیادی سہولیات کی فراہمی کو یقینی بنائے گا اور اسلام کی حقیقی تعلیمات کے مطابق ان کے حقوق کی ضمانت دے گا۔ انہوں نے کہا کہ گلگت بلتستان میں کم عمری کی شادی کو روکنے کے بل کی اسلامی نظریاتی کونسل سے باقاعدہ جانچ کی جائے گی جس کے لیے این سی ایس ڈبلیو اس کیس کو جنگی بنیادوں پر آگے بڑھائے گی۔ انہوں نے مزید کہا کہ این سی ایس ڈبلیو نے خواتین کو معاشی طور پر بااختیار بنانے کے لیے وفاقی حکومت میں وکالت کی ہے جس کے لیے جی بی کی خواتین کو بہتر نقل و حرکت کے لیے 1000 موٹر سائیکلیں ملیں گی جو کہ ان کی زیادہ سے زیادہ اقتصادی بااختیاریت اور شرکت کو یقینی بنائے گی۔
چیئرپرسن نے یہ بھی کہا کہ NCSW اقوام متحدہ کی ایجنسیوں اور عطیہ دہندگان کے ساتھ مل کر کمیونٹی پر مبنی خواتین کے ڈیجیٹل وسائل کے مراکز اور پلیٹ فارم قائم کرنے میں مدد کرے گا جہاں خواتین اپنی مصنوعات فروخت کر سکیں گی اور مارکیٹ تک رسائی کو یقینی بنایا جائے گا۔
وزیر ترقی خواتین گلگت بلتستان دلشاد بانو نے چیئرپرسن این سی ایس ڈبلیو نیلوفر بختیار کی طرف سے جی بی میں خواتین کو بااختیار بنانے کے لیے خواتین کے حامی قوانین اور اقدامات کی تیاری میں معاونت اور مدد کی تعریف کی۔
اس موقع پر سیکریٹری ترقی نسواں گلگت بلتستان فدا حسین نے کہا کہ محکمہ ترقی نسواں نے گلگت بلتستان میں خواتین کو بااختیار بنانے کے لیے بھرپور اقدامات کیے ہیں۔ انہوں نے کہا کہ خواتین کی ترقی کے محکمے نے غذر میں ڈیمانڈ ڈرائیون ٹریڈز میں خواتین کے لیے صلاحیت سازی کا مرکز قائم کیا ہے،جس میں اب تک 180 خواتین کو ڈیجیٹل مہارت، کھانا پکانے، کڑھائی اور بُنائی کی تربیت دی جا چکی ہے۔
وزیر آئی ٹی ثریا زمان نے کہا کہ آئی ٹی پارک میں خواتین کے پاس آن لائن کاروبار بڑھانے کا منفرد موقع ہے،جسے این سی ایس ڈبلیو کی چیئرپرسن نے سراہا اور تعاون کو یقینی بنایا۔