اسلام آباد: فوجی عدالتوں کے سویلین کے ٹرائل کو کالعدم قرار دینے پر پنجاب حکومت نے سپریم کورٹ کے فیصلے کیخلاف اپیل دائر کردی۔
پنجاب حکومت نے اپیل میں سپریم کورٹ کے فوجی عدالتوں سے متعلق فیصلے کو کالعدم قرار دینے کی استدعا کی ہے، دائر اپیل میں کہا گیا معاملہ 199 کے تحت ہائیکورٹ میں جانا چاہئے تھا، سپریم کورٹ نے 184 تین کے تحت اپنا آئینی دائرہ اختیار استعمال کیا، آئین اور قانون کے مطابق دیگر فورمز موجود ہوں تو 184 تین کا دائرہ اختیار استعمال نہیں کیا جاسکتا۔
اپیل میں استدعا کی گئی کہ سپریم کورٹ کا فیصلہ آئین، قانون اور حقائق کیخلاف ہے، آرمی ایکٹ کی طرز پر مختلف عدالتیں ملک بھر میں کام کررہی ہیں، فوجی عدالتیں اور عام عدالتیں 1947ء سے کام کررہی ہیں، فوجی عدالتوں میں ملزموں کا ٹرائل قانون کے مطابق چلایا جاتا ہے۔
سپریم کورٹ کے فیصلے کے خلاف اپیل ایڈووکیٹ جنرل پنجاب کی جانب سے دائر کی گئی ہے۔
Comments are closed.