مسجد الحرام کی صفائی اور سینیٹائزنگ کا عمل تفصیلی طورپر انجام دیا جاتا ہے،الحرمین الشریفین انتظامی کمیٹی

مکہ مکرمہ ۔21دسمبر (اے پی پی):سعودی عرب کے مقدس مقامات الحرمین الشریفین کی انتظامی کمیٹی نے کہا ہے کہ مسجد الحرام کی صفائی اور سینیٹائزنگ کا عمل تفصیلی طورپر انجام دیا جاتا ہے۔

سبق نیوز کے مطابق انتظامی کمیٹی کی جانب جاری بیان میں کہا گیا ہے کہ خانہ کعبہ کی چھت کی صفائی کے لیے سب سے پہلے ڈیجیٹل ویکیوم کلینر سے گرد وغبار کو صاف کیا جاتا ہے بعدازاں کونوں اور ریخوں کی صفائی ہاتھ والی جھاڑوں سے کی جاتی ہے، مٹی اورگرد صاف کرنے کے بعد چھت کو دھو کر خشک کیا جاتا ہے۔ ان کا کہنا تھا کہ غلاف کعبہ کے کنڈے جن مقامات پرنصب ہیں وہاں بھی صفائی کا عمل اچھی طرح کیا جاتا ہے اور آخر میں خانہ کعبہ کی چھت پرعرق گلاب چھڑکا جاتا ہے۔