والٹن روڈ پر 6مقامات پر کام شروع کیا جارہاہے،9ارب روپے سے زائد لاگت آئے گی، چیل چوک پر فلائی اوور بھی بنایاجائے گا:محسن نقوی
محسن نقوی کا 3ترقیاتی منصوبوں کا دورہ،کیولری انڈر پاس کو 4روز اور سنٹرپوائنٹ سے والٹن تک سڑک کو دسمبر کے پہلے عشرے میں مکمل کرنے کی ڈیڈ لائن
والٹن روڈ اور اے ڈی اے نالے کی اپ گریڈیشن، کیولری انڈر پاس اور سینٹرپوائنٹ تا والٹن روڈ سی بی ڈی پراجیکٹس پر پیشرفت کا جائزہ لیا
پورے والٹن روڈ کا معائنہ، دورے کے دوران دکانیں بند کرانے کے واقعہ کا فوری نوٹس، انتظامیہ اور پولیس کو فی الفور دکانیں کھولنے کا حکم
لاہور رنگ روڈ سدرن لوپ تھری اور بند روڈکنٹرولڈ ایکسس پراجیکٹس پر دن رات کام جاری ہے اور جنوری کی ڈیڈ لائن ہے:میڈیا سے گفتگو
سینٹر پوائنٹ کو والٹن روڈ سے منسلک کرنے سے فاصلہ تین منٹ میں طے ہو گا،والٹن فلائی اوور کی پائلز کا کام مکمل ہو چکا ہے:بریفنگ
لاہور22نومبر: وزیر اعلیٰ پنجاب محسن نقوی نے آج لاہور میں جاری 3ترقیاتی منصوبوں کا دورہ کیا۔ محسن نقوی نے والٹن روڈ اور اے ڈی اے نالے کی ری ماڈلنگ و اپ گریڈیشن، کیولری انڈر پاس اور سینٹرپوائنٹ تا والٹن روڈ سی بی ڈی پنجاب قائد ڈسٹرکٹ پرا جیکٹ پر پیشرفت کا جائزہ لیا اور والٹن روڈ پر سیوریج کے پانی کی نکاسی پر اطمینان کااظہارکیا۔ وزیر اعلی محسن نقوی نے پورے والٹن روڈ کا معائنہ کیا اورتعمیراتی سرگرمیوں کے دوران ٹریفک مینجمنٹ کے لئے موثر اقدامات کی ہدایت دیتے ہوئے کہا کہ منصوبے کو جتنی جلدی ہوسکے مکمل کیا جائے۔وزیراعلیٰ محسن نقوی نے دورے کے دوران دکانیں بند کرانے کے واقعہ کا فوری نوٹس لیتے ہوئے انتظامیہ اور پولیس کو فی الفور دکانیں کھولنے کا حکم دیا۔ وزیر اعلیٰ محسن نقوی کی موجودگی میں ہی فوری طور پر دکانیں کھولی گئیں۔ وزیر اعلیٰ محسن نقوی نے کیولری انڈر پاس کے جاری تعمیراتی کاموں کا جائزہ لیااور انڈر پاس کی چھت پر کنکریٹ اور اطراف کی روڈ ز پر اسفالٹ کے کام کا معائنہ کیا۔ وزیر اعلیٰ محسن نقوی نے اسفالٹ کے کام کو جلد مکمل کرنے کا حکم دیا۔ وزیر اعلیٰ محسن نقوی نے منصوبے پر کام کی رفتارتیز کرنے اور چارروز میں مکمل کرنے کے حوالے سے کنٹریکٹر کو ہدایات دیں۔ وزیر اعلیٰ محسن نقوی نے لاہور سنٹرل بزنس ڈسٹرکٹ ڈویلپمنٹ اتھارٹی کا بھی دورہ کیا اورمنصوبے کے اطراف مزید پودے لگانے کی ہدایت کی۔ وزیر اعلیٰ محسن نقوی نے سی بی ڈی قائد ڈسٹرکٹ پراجیکٹ سنٹرپوائنٹ گلبرگ سے والٹن تک سڑک کے اسفالٹ کے کام کو دسمبر کے پہلے عشرے میں مکمل کرنے کی ڈیڈ لائن دیتے ہوئے کہا کہ سی بی ڈی قائد پراجیکٹ کو دسمبر کے آخر تک ہر صورت مکمل کیاجائے۔ محسن نقوی نے سی بی ڈی پنجاب بلیوارڈ اور والٹن روڈ کو ملانے والی سڑک کے تعمیراتی کام کا جائزہ لیا اور والٹن اوورہیڈ برج پراجیکٹ کو فاسٹ ٹریک پر مکمل کرنے کی ہدایت کی۔ چیف ایگزیکٹو آفیسر سی بی ڈی عمران امین اور ایگزیکٹو ڈائریکٹر ٹیکنیکل سی بی ڈی پنجاب ریاض حسین نے پنجاب قائد ڈسٹرکٹ پراجیکٹ اوروالٹن روڈ اور اے ڈی اے نالے کی ری ماڈلنگ و اپ گریڈیشن پراجیکٹ کے بارے میں بریفنگ دی۔ بریفنگ میں بتایا گیا کہ سینٹر پوائنٹ کو والٹن روڈ سے منسلک کرنے سے فاصلہ تین منٹ میں طے ہو گا۔والٹن فلائی اوور کی پائلز کا کام مکمل ہو چکا ہے۔ وزیراعلی محسن نقوی نے ترقیاتی منصوبوں کے دورے کے بعد میڈیا سے گفتگو کرتے ہوئے کہاکہ والٹن روڈ کی اپ گریڈیشن و ری ماڈلنگ میگا پراجیکٹ ہے۔ والٹن روڈ پر 6مقامات پر کام شروع کیا جارہاہے جس پر 9ارب روپے سے زائد لاگت آئے گی۔ چیل چوک پر فلائی اوور بھی بنایاجائے گاجس سے ٹریفک کی روانی میں مزید آسانی ہوگی۔ سنٹر پوائنٹ سے والٹن روڈ تک سڑک کے منصوبے کو 31دسمبر تک مکمل کرنے کی دیڈ لائن دی ہے۔ یہ منصوبہ مکمل ہونے سے مین بلیوارڈ گلبرگ سے والٹن تک کا سفرصرف 3منٹ کا رہ جائے گا۔ کیولری انڈر پاس اگلے 4روز میں مکمل ہوجائے گا جبکہ گھوڑا چوک فلائی اوور 7دسمبر کو مکمل ہونے کی امید ہے۔ لاہور رنگ روڈ سدرن لوپ تھری اور بند روڈکنٹرولڈ ایکسس پراجیکٹس پر دن رات کام جاری ہے اور جنوری کی ڈیڈ لائن ہے۔ تمام ادارے اورپوری ٹیم ہر پراجیکٹ پر دن رات کام کررہی ہے۔نیسپاک اور سی بی ڈی پراجیکٹس پر محنت کررہے ہیں۔گوجرانوالہ ایکسپریس وے جنوری میں مکمل ہوجائے گا۔گوجرانوالہ یونیورسٹی کاکام شروع کردیا گیاہے۔گوجرانوالہ چلڈرن ہسپتال 100بیڈ کی گنجائش سے شروع کردیا ہے جسے جنوری میں مزید 100بیڈز بڑھا کر 200بیڈز تک پہنچایاجائے گا۔گوجرانوالہ میڈیکل کالج ہسپتال میں برن یونٹ جنوری میں مکمل ہوجائے گا۔گوجرانوالہ میں سبزی منڈی،گوالا کالونی اور قبرستان کا مسئلہ حل کیا ہے۔ڈی پی ایس گوجرانوالہ کا دورہ کیا جوکہ وہاں کا بہترین سکول ہے۔ڈی پی ایس گوجرانوالہ میں 6ہزار طالب علم تعلیم حاصل کررہے ہیں،مزید ایک ہزار بچوں کی تعلیم کے لئے سکول میں انتظامات کررہے ہیں۔ہمارا کام ملزموں کو گرفتار کر کے چالان پیش کرناہے،فیصلہ عدالتوں نے کرناہے۔ صوبائی وزیر اطلاعات عامر میر، کمشنر لاہور ڈویژن، سی سی پی او، ڈپٹی کمشنر، سی بی ڈی کے حکام بھی اس موقع پر موجود تھے۔
Comments are closed.