پی ایس ایل کی ڈرافٹنگ مکمل، کراچی کنگز نے آسٹریلوی آل رائونڈر ڈینیئل سیمز کو شامل کرلیا

کراچی۔ 22 دسمبر (اے پی پی):پاکستان سپر لیگ(پی ایس ایل) سیزن 9کی ڈرافٹنگ مکمل ہوگئی ہے جس میں کراچی کنگز نے آسٹریلوی آل رائونڈر کو پلاٹینیم کیٹیگری میں منتخب کیا ہے۔

پی ایس ایل کی فرنچائز کراچی کنگز کی ٹیم میں اس سال کچھ نئے چہرے نظر آئیں گے جس میں آسٹریلیا کے ٹی ٹونٹی فارمیٹ کے آل رائونڈر کھلاڑی ڈینئل سیمز بھی شامل ہیں۔آسٹریلوی آل رائونڈر ڈینئل سیمز کو کراچی کنگز نے پلاٹینیم کیٹیگری میں منتخب کیا ہے۔

آل رائونڈر ڈینئل سیمس نے مجموعی طور پر 149 ٹی ٹونٹی میچوں میں 180وکٹیں لیں جبکہ1700رنز بھی بنائے ہیں، اب تک وہ ٹی ٹونٹی کرکٹ میں 7 بار 50 رنز کا ہندسہ عبور کر چکے ہیں جبکہ بطور گیند باز 6 بار ایک اننگز میں 4 وکٹیں لینے کا کارنامہ بھی سرانجام دے چکے ہیں۔

آسٹریلوی آل رائونڈر نے دسمبر 2020ء میں آسٹریلیا کے لئے انٹرنیشنل کرکٹ کا ڈیبیو کیا اور عالمی سطح پر اپنی شناخت بنائی۔ گیم چینجر کھلاڑی 10میچز میں آسٹریلیا کے لئے کھیل چکے ہیں اور بین الاقوامی کرکٹ میں 170کے سٹرائیک ریٹ سے 106رنز اور 7وکٹیں حاصل کر چکے ہیں۔