اے این ایف پاکستان نے بین الاقوامی یومِ انسدادِ منشیات وترسیل پرملک بھر میں منشیات سے آگاہی سرگرمیوں پر مبنی غیر معمولی مہم چلا کر انتہائی ملی جذبے سے منایا

*اے این ایف پاکستان نے بین الاقوامی یومِ انسدادِ منشیات وترسیل پرملک بھر میں منشیات سے آگاہی سرگرمیوں پر مبنی غیر معمولی مہم چلا کر انتہائی ملی جذبے سے منایا*

26جون 2023کو اینٹی نارکوٹکس فورس پاکستان نے منشیات سے آگاہی سرگرمیوں پر مبنی غیر معمولی نوعیت کی ملک گیر مہم چلا کر قومی جوش و جذبے کے ساتھ بین الاقوامی یوم انسدادِ منشیات وترسیل منایا۔
اے این ایف نے وفاقی اور تمام صوبائی دارالحکومتوں کے علاوہ ملک کے چھوٹے و بڑے شہروں میں انسدادِ منشیات کی مہم کا انعقاد کیا،جس کا مقصد منشیات کے استعمال کے نقصانات سے متعلق عوام الناس میں آگاہی پیدا کرنا ہے۔
اس ضمن میں اے این ایف نے مختلف اسٹیشنزپر منشیات سے آگاہی کی واکس منعقد کیں جس میں خصوصی طور پر اسلام آباکے ایف نائن پارک میں خصوصی واک کا اہتمام کیا گیا۔ اس تقریب میں تما م شعبہ ہائے زندگی کے لوگ شامل ہوئے، جس میں زیادہ تر نامور شخصیات، این جی اوز، میڈیا کے نمائندگان، طلباء، اساتذہ،سرکاری افسران و ملازمین، اے این ایف یوتھ ایمبیسڈرز اور سول سوسائٹی کے لوگ شامل تھے۔
ڈی جی اے این ایف میجر جنرل محمد انیق الرحمن ملک، ہلال امتیاز (ملٹری) کی ہدایات کے مطابق، ہر اسٹیشن پر ہونے والی مہم کو خصوصی طور پر نوجوان نسل پر توجہ مرکوز کرنے کے مطابق تشکیل دیا گیا۔ اس موقع پر حتیٰ الامکان کوشش کی گئی کہ زیادہ سے زیادہ طلباء، اساتذہ اور والدین کو ایک جگہ پر جمع کر کے،انسدادِ منشیات کے سلسلے میں ان کی ذمہ داریوں کے متعلق آگاہی دی جائے۔ اس مہم کو موثر بنانے کے لئے اے این ایف کے یوتھ ایمبیسڈرز کی تعیناتی کو اس طرح یقینی بنایا گیا، کہ یہ اپنے ہم عمرنوجوانوں کو منشیات کے استعمال سے آگاہی کا پیغام احسن طریقے سے پہنچا سکیں۔
اے این ایف کے ریجنل ڈائریکٹوریٹس کمانڈرز اور منتخب نمائندوں نے اختتامی تقریب کے دوران اپنی تقاریر میں شرکاء کومنشیات سے آگاہی کے بارے میں روشناس کیا۔ شہریوں اور واک کے شرکاء میں منشیات سے آگاہی کے ہینڈ بلز بھی دئیے گئے۔ متعلقہ شہروں میں منشیات سے متاثرہ علاقوں میں بھی آگاہی بروشر تقسیم کرنے کے خصوصی اقدامات کئے گئے۔
یہاں یہ امر بھی قابلِ ذکر ہے کہ اے این ایف نے منشیات کے خلاف خصوصی سماجی اقدامات میں اضافہ کیا ہے۔اے این ایف کی موجودہ منشیات کی طلب میں کمی کے لائحہ عمل مین نوجوان نسل پر خصوصی توجہ دی جا رہی ہے تاکہ بچے منشیات اور دیگر خطرات سے پاک پرورش پا کر معاشرے کے صحت مند اور سود مند شہری بن سکیں۔

*ایک قوم
ایک منزل
منشیات سے پاک پاکستان*