‎اے این ایف کا منشیات اسمگلنگ کے خلاف کریک ڈاؤن جاری۔

8 کاروائیوں میں 266 کلوگرام سے زائد منشیات اور 20250 لیٹر ممنوعہ کیمیکل برآمد، 5 ملزمان گرفتار۔

اسلام آباد ایئرپورٹ کے قریب نجی ہاوسنگ سوسائیٹی میں گاڑی سے 30 کلو افیون اور 100 کلو 800 گرام چرس برآمد۔

گاڑی سے 1 عدد نائن ایم ایم اور 30 بور پستول بمعہ ایمونیشن بھی برآمد۔

کارروائی کے دوران صوابی کا رہائشی مُلزم موقع پر گرفتار۔

کُری روڈ اسلام آباد پر کراچی کے رہائشی ملزم سے 100  نشہ آور گولیاں برآمد۔

کراچی میں واقع کوریئر آفس میں دو پارسلز سے مجموعی طور پر 1 کلو 320 گرام آئس برآمد۔

مذکورہ پارسل ہانگ کانگ اور بحرین کے لئے بُک کئے گئے تھے۔

کراچی، شاہراہِ فیصل پر واقع کوریئر آفس میں بحرین بھیجے جانیوالے پارسل سے 270 گرام آئس برآمد۔

حب کے قریب گاڑی کے خفیہ خانوں میں چھپائی گئی 122 کلو چرس برآمد۔

دو ملزمان منشیات کوئٹہ سے کراچی اسمگل کرنے کی کوشش میں گرفتار۔

چمن سے 15000 لٹر ہائیڈرو کلورک ایسڈ اور 5250 لٹر گندھک کا تیزاب برآمد۔

مذکورہ کیمیکل کلی عبد الرحمن میں اسمگلنگ کی غرض سے چھپایا گیا تھا۔

پشاور ایئرپورٹ پر کاروائی میں ملزم کے پیٹ سے 50 ہیروئن بھرے کیپسولز برآمد۔

پشاور کا رہائشی مُلزم پرواز نمبر  GF-787 کے ذریعے بحرین کے لئے روانہ ہو رہا تھا۔

خیبر کے علاقے زخا خیل سے اسمگلنگ کے لئے چھپائی گئی 12 کلو چرس برآمد۔

گرفتار ملزمان کے خلاف انسدادِ منشیات ایکٹ کے تحت مقدمات درج کر کے مذید تحقیقات کا آغاز کر دیا گیا ہے۔