عید الاضحیٰ کے موقع پر امریکہ میں پاکستانی سفیر مسعود خان کا پیغام

٭عید الاضحیٰ کے موقع پر امریکہ میں پاکستانی سفیر مسعود خان کا پیغام٭
٭٭٭٭٭
عیدالاضحیٰ کے اس موقع پر میں اہل پاکستان اور بالخصوص امریکہ میں بسنے والے تمام پاکستانیوں کو دل کی گہرائیوں سے مبارکباد پیش کرتا ہوں۔
آج کا یہ تہوار ایثار اور قربانی کے جذبے کی علامت ہے۔ حضرت ابراہیم علیہ السلام نے اپنے رب کی خوشنودی کے لئے اپنی سب سے پیاری چیز قربان کر دی تھی۔ یہ قربانی اس وقت بھی بے مثال تھی اور آج بھی قربانی کے اسی جذبے کی ہم پرورش کر رہے ہیں۔
پاکستانی امریکی کمیونٹی مشکل کی ہر گھڑی میں وطن عزیز کے ساتھ کھڑی رہی ہے۔ یہی جذبہ ہمارے معاشرے کی اصل روح اور پہچان ہے۔
آئیے آج پھر ہم سنت ابراہیمی کو آگے بڑھائیں۔ انسانیت کی خدمت کے عزم کا اعادہ کریں اور مفلس، بے روزگار اور بے یارو مددگار لوگوں کی مدد کریں۔
آپ سب کو بڑی عید مبارک
٭٭٭٭٭