ابو ظہبی۔28جولائی (اے پی پی):وزیراعظم محمد شہباز شریف متحدہ عرب امارات کے ایک روزہ دورہ کے موقع پر ابوظہبی محل پہنچے۔متحدہ عرب امارات کے صدر شیخ محمد بن زاید النہیان نے وزیرِ اعظم کا محل پہنچنے پر گرمجوشی سے استقبال کیا۔ دونوں راہنماؤں کے مابین ملاقات میں وزیرِ اعظم محمد شہباز شریف نے متحدہ عرب امارات کے صدر شیخ محمد بن زاید النہیان سے ان کے بھائی شیخ سعید بن زاید النہیان کے انتقال پر دِلی رنج و غم کا اظہار کیا۔ وزیراعظم نے صدرِ متحدہ عرب امارات کے بھائی کے انتقال پر پوری پاکستانی قوم کی جانب سے اظہارِ افسوس بھی کیا۔ اس موقع پر وزیر اعظم محمد شہباز شریف نے کہا کہ پاکستان اور متحدہ عرب امارت کے مابین مشترکہ عقیدے اور بھائی چارے کی بنیاد پر مضبوط تعلقات قائم ہیں۔ صدرِ متحدہ عرب امارات نے ملاقات میں وزیراعظم محمد شہباز شریف کے دورے پر ان کا شکریہ ادا کیا اور پاکستان اور متحدہ عرب امارات کے مابین مضبوط سفارتی تعلقات کا بھی ذکر کیا۔ ملاقات میں وفاقی وزیر خزانہ اسحاق ڈار اور معاون خصوصی طارق فاطمی بھی وزیراعظم کے ہمراہ تھے۔
Comments are closed.