لاس اینجلس ۔28دسمبر (اے پی پی):اکیڈمی آف موشن پکچر آرٹس اینڈ سائنسز نے 96 ویں آسکرایوارڈز کے لیے 10 کیٹاگریز میں شارٹ لسٹ فلموں کے نام جاری کر دئے ہیں ۔ ان میں سے، گریٹا گیروِگ کی فلم ’’باربی‘‘ پانچ نامزدگیوں کے ساتھ سرفہرست ہے، جو کہ تین اندراجات کے ساتھ بہترین اوریجنل گانے کے سیکشن میں غالب ہے۔
فلم کے تین گانوں کی نامزدگیاں سامنے آئی ہیں جن میں دعا لیپا کا پارٹی ،بلی ایلیش اور ریان گوسلنگ اور مصنف-موسیقار مارک رونسن کا گانا شامل ہے۔ میک اپ اور ہیئر سٹائلنگ کیٹا گریز میں فلم بیو از آفریڈ ، فراری، اور فلم اوپن ہائیمر جیسے مضحکہ خیز انتخاب شامل ہیں۔
بہترین بصری اثرات کی فہرست میں گارڈین آف دی گلیکسی پارٹ تھری اور کیلر مون نے جگہ بنائی ہے ۔کرسٹو فر نولان کی فلم ’’اوپن ہیمر ‘‘کو آڈیو ڈیپارٹمنٹ میں بہترین اوریجنل سکور کے لیے نامزدگی حاصل ہوئی ہے جبکہ ساؤنڈاینڈ ڈیزائن کیٹا گریز میں ڈیوڈ فنچر کی فلم ’’دی کیلر‘‘، مائیکل مان کی فلم ’’فراری‘‘ اور مارٹن سکورسیز کی فلم ’’ کلرز آف دی فلاور مون‘‘ نامزدگیاں حاصل کرنے والوں میں شامل ہیں ۔
آسکر ایوارڈز کے لیے حتمی نامزدگیوں کا باضابطہ اعلان 23 جنوری 2024 کو کیا جائے گا۔ اکیڈمی ایوارڈز کی تقریب آئندہ سال 10 مارچ کو لاس اینجلس میں منعقد کی جائے گی۔
Comments are closed.