الحمرا میلوڈیز فن کے شائقین کے لئے نئے سال کا تحفہ ہے۔ سربراہ الحمرا

لاہور 30 دسمبر (نمائندہ عسکر): ایگزیکٹوڈائریکٹر لاہور آرٹس کونسل الحمرا طارق محمود چوہدری نے اپنے نئے سال کی آمد کے حوالے سے اپنے تاثرات میں کہا کہ پاک دھرتی نے موسیقی، مصوری، آرٹ،ڈرامہ،زبان وادب و فنون لطیفہ کے دیگر شعبوں میں عظیم آرٹسٹ پیدا کئے، ہم ان آرٹسٹوں اور الحمرا آرٹس کونسل کی خدمات کو سلام پیش کرتے ہیں جنہوں نے ملک وقوم کا نام روشن کیا،الحمرا اپنے مشن کو نوجوانوں کے ساتھ مل کر آگے بڑھا رہا ہے۔انھوں نے نئے سال کی فنون لطیفہ کے ترویج و ترقی کے لئے اہم قرار دیا۔مزید براں گزشتہ رو زالحمرا میلوڈیز میں صوفیانہ کلام،غزل،گیت اور قوالی سے بھرپور شام کا انعقادکیا گیا۔نامور گلوکار استاد عبد الرف کی آواز سننے والوں کے دلوں میں اترتی رہی۔مائیں نی میں کنوں آکاں،نی سیوں اسیں نیناں دے آکھاے لگے پر شائقین فن نے بھرپور داددی۔سلطان باہو کے کلام کے روح پرور نظارے دیکھے گئے۔نامور شاعرہ پروین شاکر کی غزل ”کو بہ کو پھیل گئی بات شناسائی کوبھی پیش کی گئی۔عبدالروف نے استاد غلام علی خان اور اپنی غزلیں بھی پیش کیں۔