پشاور(ایم-الیاس):الیکشن کمیشن نے خیبرپختونخوا کے متعدد وزراء، معاونین اور مشیروں کو ہٹانے کی ہدایت جاری کردی۔سیکرٹری الیکشن کمیشن نے نگران وزیر اعلیٰ خیبرپختونخوا محمد اعظم خان کو ایک خط کے ذریعے نگران وزراء، مشیران اور معاونین خصوصی کی جانب سے صوبے کے سیاسی امور میں مداخلت کا نوٹس لیتے ہوئے ان کو ہٹانے کی ہدایت جاری کی ہے۔خط کے متن میں کہا گیا ہے کہ الیکشن کمیشن کے نوٹس میں یہ بات آئی ہے کہ نگران کابینہ کی سیاسی وابستگیوں کی بنیاد پر تقرریاں کی گئی ہیں جس کی واضح مثال سابق نگران وزیر شاہد خٹک کا کیس ہے، اس کے علاوہ اور بھی وزرا نے اپنی پارٹی وابستگیاں تسلیم کرلی ہیں جو ماورائے آئین اقدام ہےخط میں کہا گیا ہے کہ کچھ وزراء، مشیران، معاونین خصوصی سمیت دیگر کا رویہ الیکشن ایکٹ 2017 کے منافی ہے، الیکشن کمیشن درخواست کرتا ہے کہ ایسے وزراء، مشیران اور معاونین خصوصی کو ان کے عہدوں سے ہٹایا جائے تاکہ آنے والے انتخابات کے انعقاد کو صاف شفاف یقینی بنایا جا سکے۔
Comments are closed.