غیر رجسٹرڈ ٹیکس دہندگان کے بجلی اور ٹیلیفون کے کنکشنز منقطع کرنے کا منصوبہ تیار

اسلام آباد 31 دسمبر(نمائندہ عسکر): ایف بی آر نے  زیادہ سے  زیادہ افراد کو ٹیکس نیٹ میں  لانے  کے  لیے  غیر رجسٹرڈ ٹیکس دہندگان کے  بجلی اور ٹیلیفون کے  کنکشنز منقطع کرنے  کا منصوبہ تیار کیا گیا ہے ۔ تفصیلات کے  مطابق ایف بی آر کی ٹیکس نادہندگان کیخلاف کار روائیاں  جاری ہے، اب تک  81 لاکھ 95 ہزار سے  زائد افراد کو نوٹس جاری کیے  جا چکے  ہیں ۔ ایف بی آر حکام کا بتانا ہے  کہ سال 2022 کیلئے  24 لاکھ 98 ہزار 419 کو نوٹس جاری کیے  گئے، سال 2023 کیلئے  56 لاکھ 96 ہزار 590 غیر رجسٹرڈ افراد کو نوٹس جاری کیے  گئے ۔ حکام کے  مطابق نوٹسز کے  جاری ہونے  سے  پہلے  مرحلے  کی کار روائی مکمل ہو گئی، دوسرے  مرحلے  میں  غیر رجسٹرڈ افراد کے  ٹیلیفون کنکشن منقطع کرنے  کا منصوبہ ہے ۔ ایف بی آر حکام کا کہنا ہے  کہ ان افراد کو انکم ٹیکس جنرل آرڈر کے  تحت نوٹسز جاری کیے  گئے  عمل نہیں  کیا گیا تو دوسرے  مرحلے  میں  ان افراد کے  بجلی کنکشن منقطع کیے  جانے  کا منصوبہ ہے ۔ ذرائع ایف بی آر کا مزید کہنا ہے  کہ ان افراد کی تفصیلات بینکوں  کے  لین دین سے  حاصل کی گئیں، کاروباری افراد کی طرف سے  خرید و فروخت کا ڈیٹا بھی نادرا کی مدد سے  حاصل کیا گیا۔