اسلام آباد، 1 اگست 2025ء:
وفاقی وزیر قانون و انصاف سینیٹر اعظم نذیر تارڑ سے ملتان ہائی کورٹ بار ایسوسی ایشن سمیت جنوبی پنجاب کی بار ایسوسی ایشنز کے وفود نے ملاقات کی۔
ملاقات میں وکلاء کی فلاح و بہبود، بار ایسوسی ایشنز کو درپیش مسائل اور ان کے مؤثر حل پر تفصیلی بات چیت ہوئی۔
ملتان ہائی کورٹ بار کے صدر نے وکلاء برادری کے لیے کیے گئے حکومتی اقدامات پر وزیرِ قانون کا شکریہ ادا کیا اور کہا کہ وزارتِ قانون کا کردار قابلِ تحسین ہے۔
وفاقی وزیر قانون نے تمام نمائندگان سے گفتگو کرتے ہوئے اس بات پر زور دیا کہ:
> “بار کی سیاست کو بارز تک محدود رکھا جانا چاہئے تاکہ عدلیہ اور وکلاء کا ادارہ غیر جانبدار اور خودمختار حیثیت برقرار رکھ سکے۔
وزارتِ قانون وکلاء کی فلاح و بہبود کو اپنی ترجیحات میں سرفہرست رکھتی ہے اور ان کے جائز مسائل کے حل کے لیے ہر ممکن تعاون فراہم کرے گی۔ وزیرِ قانون
ای لاءبریرییز اور سولرایزیشن پراجیکٹس حکومت پنجاب کے تعاون سے جاری ہیں ، وزیرِ قانون
کورٹ فیس کا دیرینہ مسئلہ وزیرِ اعلیٰ پنجاب مریم نواز شریف کی ہدایت پر حل کر دیا گیا ہے ، وزیرِ قانون
ملاقات میں شجاع آباد، جہانیاں ، لودھراں، دنیا پور، ڈیرہ غازی خان ، کوٹ ادو، راجن پور، مظفرگڑھ، علی پور، جتوئی ، جلال پور، کبیر والا اور بورے والا بارز کے صدور اور نمائندگان نے بھی شرکت کی اور اپنے اپنے علاقوں میں وکلاء کو درپیش مسائل سے وزیر قانون کو آگاہ کیا۔
سینیٹر اعظم نذیر تارڑ نے تمام بار نمائندگان کو یقین دہانی کرائی کہ ان کے مسائل کو ترجیحی بنیادوں پر حل کیا جائے گا اور بارز کے ساتھ رابطے کو مزید مستحکم بنایا جائے گا۔
Comments are closed.