اسلام آباد پولیس نے غیر ملکی مہمان کی آمد کے باعث شہر میں مختلف اہم راستوں پر غیر معمولی ٹریفک انتظامات کیے ہیں۔

اہم اطلاعات:

10:30 بجے سے 14:30 بجے تک کورال، فیض آباد ایکسپریس ہائی وے، مری روڈ، کلب روڈ، سرینہ، ریڈیو پاکستان اور زیرو پوائنٹ، سری نگر ہائی وے اور سرینہ ہوٹل کے راستوں پر ٹریفک کی روانی میں وقفے وقفے سے تعطل ہو سکتا ہے۔

شہری ایکسپریس ہائی وے اور سری نگر ہائی وے سے منسلک سروس روڈ استعمال کریں۔

بلیو ایریا، سیکٹر F-6 اور F-7 کے لیے H-8 انڈر پاس استعمال کیا جائے۔

ریڈ زون اور سرینہ ہوٹل کی آمد و رفت کے لیے مارگلہ روڈ، جناح ایونیو، ایوب چوک اور نادرا چوک استعمال کریں۔

بری امام جانے والے شہری نادرا چوک کا راستہ اختیار کریں۔

سیکٹر I اور H کے لیے راولپنڈی پشاور روڈ اور IJP روڈ سے سروس روڈ استعمال کریں۔

مری روڈ سے سرینہ اور فیض آباد کے راستے براستہ راول ڈیم بند رہیں گے۔

اسلام آباد ٹریفک پولیس مختلف مقامات پر شہریوں کی رہنمائی کے لیے موجود رہے گی۔ شہریوں سے درخواست ہے کہ ٹریفک مشکلات سے بچنے کے لیے گھر سے نکلتے وقت 20 منٹ اضافی وقت رکھیں۔

مزید معلومات اور ہنگامی رہنمائی کے لیے ہیلپ لائن 1915 پر رابطہ کریں۔
ٹریفک کی بروقت اپڈیٹس کے لیے پولیس کے سوشل میڈیا پلیٹ فارمز دیکھیں۔

چیف ٹریفک آفیسر: کیپٹن (ر) حمزہ ہمایوں