گورنر الیون کی سنسنی خیز فتح، سیمی فائنل میں رسائی

کوئٹہ (اسپورٹس ڈیسک) دوسرا آل پاکستان چیف منسٹر بلوچستان گولڈ کپ کرکٹ ٹورنامنٹ 2025ء کے کوارٹر فائنل میں گورنر الیون نے آئی سی اے پشاور کو ایک سنسنی خیز مقابلے کے بعد 4 رنز سے شکست دے کر سیمی فائنل کے لیے کوالیفائی کرلیا۔

یہ مقابلہ محکمہ کھیل بلوچستان کے زیر اہتمام اور کوئٹہ ریجن کرکٹ ایسوسی ایشن کی نگرانی میں بگٹی اسٹیڈیم میں کھیلا گیا۔ ٹاس جیت کر پہلے بیٹنگ کرتے ہوئے گورنر الیون نے مقررہ 20 اوورز میں 227 رنز بنائے۔ نمایاں بلے بازوں میں محمد ابراہیم نے شاندار 68، اعتزاز نے 47 اور محمد اکبر نے 46 رنز اسکور کیے۔ آئی سی اے پشاور کی جانب سے محمد عرفان نے 3 جبکہ عبید نے 2 وکٹیں حاصل کیں۔

ہدف کے تعاقب میں آئی سی اے پشاور نے زبردست مزاحمت کی مگر پوری ٹیم 223 رنز پر ڈھیر ہوگئی۔ اوزیر نے شاندار 101 رنز کی اننگز کھیلی جبکہ ثاقب جمیل نے 51 رنز بنائے۔ گورنر الیون کے طارق نے 2 وکٹیں حاصل کیں۔ شاندار کارکردگی پر محمد ابراہیم کو مین آف دی میچ قرار دیا گیا۔

ٹورنامنٹ کا دوسرا سیمی فائنل آج ہفتہ 13 ستمبر کو بگٹی اسٹیڈیم میں گورنر الیون اور لاڑکانہ الیون کے درمیان کھیلا جائے گ