عسکر انٹرنیشنل رپورٹ
راولپنڈی، 15 اکتوبر :
انسدادِ منشیات فورس (اے این ایف) نے ملک کے مختلف شہروں میں منشیات فروشوں کے خلاف کامیاب کارروائیاں کرتے ہوئے سات ملزمان کو گرفتار کر لیا جبکہ 175.8 کلوگرام چرس 
برآمد کی گئی جس کی مالیت ایک کروڑ 31 لاکھ روپے سے زائد ہے۔
ترجمان اے این ایف کے مطابق، سدھار بائی پاس فیصل آباد روڈ کے قریب ایک گاڑی سے 126 کلوگرام چرس برآمد ہوئی اور دو ملزمان گرفتار کیے گئے۔ اسی طرح جبلِ نور بس اسٹینڈ 
کوئٹہ کے قریب ایک رکشہ سے 45 کلوگرام چرس برآمد کی گئی اور تین افراد کو گرفتار کیا گیا۔
مزید برآں، مندرہ ٹول پلازہ جی ٹی روڈ راولپنڈی کے قریب ایک گاڑی سے 4.8 کلوگرام چرس برآمد ہوئی اور دو ملزمان کو حراست میں لیا گیا۔
تمام مقدمات انسدادِ منشیات ایکٹ 1997 کے تحت درج کر کے تحقیقات کا آغاز کر دیا گیا ہے تاکہ بین الصوبائی منشیات اسمگلنگ کے نیٹ ورکس کا خاتمہ کیا جا سکے۔
Comments are closed.