گورنربلوچستان کا آغا سراج درانی کے انتقال پر اظہار افسوس، ان کی گرانقدر سیاسی و سماجی خدمات کو خراج تحسین جبکہ اہل خانہ سے یکجہتی کا اظہار کیا گیا

کوئٹہ 15 اکتوبر: گورنر بلوچستان جعفرخان مندوخیل نے پاکستان پیپلز پارٹی کے سینئر رہنما اور سابق اسپیکر سندھ اسمبلی آغا سراج درانی کی وفات پر گہرے رنج و افسوس کا اظہار کرتے ہوئے کہا کہ مرحوم ایک انتہائی شریف النفس اور جمہوریت پسند انسان تھے. مرحوم کی سرانجام دینے والی گرانقدر سیاسی و سماجی خدمات کو تادیر یاد رکھا جائے گا. گورنر جعفرخان مندوخیل نے سوگوار خاندان کے نام اپنے پیغام میں کہا کہ ہم دکھ و غم کی اس گھڑی میں مرحوم آغا سراج درانی کے اہل خانہ سے غمرازی اور یکجہتی کا اظہار کرتے ہیں، پروردگار مرحوم آغا سراج درانی کو بلند درجات عطا فرمائے۔ آمین