عسکر انٹرنیشنل رپورٹ
راولپنڈی، 15 اکتوبر
پاک فوج نے نوشکی سیکٹر میں افغان طالبان فورسز کی جارحیت کا بھرپور جواب دیتے ہوئے افغانستان کی حدود میں تقریباً تین کلومیٹر اندر واقع غزنالی پوسٹ کو تباہ کر دیا۔ سیکیورٹی فوٹیج میں دیکھا جا سکتا ہے کہ پاکستانی جوانوں نے دشمن کی پوزیشنیں نشانہ بنائیں اور مقام پر قومی پرچم لہرا دیا۔
سیکیورٹی ذرائع کے مطابق افغان طالبان فوجی جوابی کارروائی کے دوران اسلحہ اور سامان چھوڑ کر فرار ہو گئے۔ 11 اور 12 اکتوبر کی درمیانی رات کے دوران پاک فوج کی مؤثر کارروائیوں سے سرحد پار طالبان کے متعدد ٹھکانے تباہ کیے گئے۔
پاک فوج نے 21 افغان طالبان پوسٹیں عارضی طور پر قبضے میں لے لیں جبکہ دہشت گردوں کے کئی تربیتی کیمپ بھی ناکارہ بنا دیے گئے۔ انٹیلیجنس اطلاعات کے مطابق 200 سے زائد طالبان اور ان کے معاون دہشت گرد ہلاک اور متعدد زخمی ہوئے ہیں۔
پاک فوج کسی بھی بیرونی جارحیت کا منہ توڑ جواب دینے اور ملکی سرحدوں کے دفاع کے لیے مکمل طور پر تیار ہے۔
Comments are closed.