اے این ایف کا ملک بھر میں منشیات اسمگلنگ کے خلاف کریک ڈاؤن، 10 ملزمان گرفتار

عسکر انٹرنیشنل رپورٹ

اسلام آباد، 17 دسمبر 2025: اینٹی نارکوٹکس فورس (اے این ایف) نے ملک کے مختلف شہروں اور تعلیمی اداروں کے اطراف منشیات اسمگلنگ کے خلاف 6 کارروائیاں کیں، جن میں 10 ملزمان کو گرفتار کیا گیا اور 94.98 کلوگرام منشیات برآمد کی گئیں، جن کی مالیت 76 لاکھ روپے سے زائد ہے۔

تعلیمی اداروں کے قریب کارروائیاں:

پشاور میں یونیورسٹی کے قریب سے 200 ایکسٹیسی گولیاں (وزن: 130 گرام) برآمد کی گئیں۔

اسلام آباد، چونگی نمبر 26 کے قریب گاڑی سے 3.6 کلو گرام چرس برآمد، 2 ملزمان گرفتار۔
گرفتار ملزمان نے طلباء کو منشیات فروخت کرنے کا اعتراف کیا۔

دیگر کارروائیاں:

یارو ڈسٹرکٹ پشین میں گاڑی سے 84 کلو گرام چرس برآمد، 2 ملزمان گرفتار۔

انڈس چورنگی کراچی میں موٹر سائیکل سوار سے 4.45 کلو گرام چرس برآمد، 2 ملزمان گرفتار۔

منڈی موڑ، اسلام آباد میں بس ٹرمینل کے قریب سے 400 گرام چرس برآمد۔

ہارو ٹول پلازہ، اٹک میں گاڑی سے 2.4 کلو گرام چرس برآمد، 2 ملزمان گرفتار۔

تمام مقدمات انسداد منشیات ایکٹ 1997 کے تحت درج کر کے تحقیقات شروع کر دی گئی ہیں، اے این ایف کے ترجمان نے تصدیق کی۔