کشمیر ڈے ریلی کے موقع پر ریڈ زون کے لئے خصوصی ٹریفک پلان جاری

اسلام آباد، 26 اکتوبر 2025: ترجمان اسلام آباد پولیس کے مطابق یومِ سیاہ کشمیر ریلی کے موقع پر شاہرائے جمہوریت اور ریڈ زون کے لیے خصوصی ٹریفک پلان جاری کر دیا گیا ہے۔

پلان کے مطابق، شاہرائے جمہوریت صبح 8 بجے سے 11 بجے تک عام ٹریفک کے لیے بند رہے گی۔ شہریوں کو ہدایت کی گئی ہے کہ ریڈ زون میں داخلے کے لیے مارگلہ روڈ اور میریٹ چوک استعمال کریں۔

ترجمان کے مطابق ایکسپریس چوک، نادرا چوک اور سرینہ چوک اس دوران ٹریفک کے لیے بند رہیں گے۔

ٹریفک پولیس افسران شہریوں کی سہولت اور ٹریفک کی روانی کو برقرار رکھنے کے لیے مختلف مقامات پر تعینات ہوں گے۔ شہری کسی بھی ایمرجنسی یا ٹریفک سے متعلق معلومات کے لیے پکار 15 یا ٹریفک ہیلپ لائن 1915 پر رابطہ کر سکتے ہیں۔