اسلام آباد۔26اکتوبر :وزیر اعظم محمد شہباز شریف سعودی عرب کے ولی عہد و وزیر اعظم شہزادہ محمد بن سلمان کی دعوت پر 27 سے 29 اکتوبر 2025 تک ایک اعلیٰ سطحی وفد کی قیادت کرتے ہوئے ریاض کا دورہ کریں گے۔ اس وفد میں نائب وزیر اعظم و وزیر خارجہ سینیٹر محمد اسحاق ڈار سمیت وفاقی کابینہ کے اہم وزراءشامل ہوں گے، جو مستقبل سرمایہ کاری اقدام (ایف آئی آئی 9) کے نویں ایڈیشن میں شرکت کریں گے۔اتوار کو ترجمان دفتر خارجہ کے بیان کے مطابق ایف آئی آئی 9 عالمی رہنما ں، سرمایہ کاروں، پالیسی سازوں اور ماہرینِ جدت کو ایک پلیٹ فارم پر جمع کرے گا جہاں ”ترقی کی کنجی: نمو کی نئی سرحدوں کا حصول“ کے موضوع پر عالمی چیلنجز اور مواقع پر غور کیا جائے گا۔ ان مباحثوں میں جدت، پائیداری، معاشی شمولیت اور جیوپولیٹیکل تبدیلیوں جیسے اہم امور شامل ہوں گے۔وزیر اعظم اپنے قیام کے دوران سعودی قیادت سے تجارت، سرمایہ کاری، توانائی اور افرادی قوت کے شعبوں میں تعاون کو بڑھانے کے مواقع پر تبادلہ? خیال کریں گے۔ ملاقاتوں میں علاقائی و عالمی معاملات بھی زیرِ غور آئیں گے۔ایف آئی آئی 9 کے موقع پر وزیر اعظم دیگر شریک ممالک کے رہنما ں اور بین الاقوامی تنظیموں کے سربراہان سے بھی ملاقاتیں کریں گے۔ ان روابط کے ذریعے پاکستان کی سرمایہ کاری صلاحیت اور پائیدار ترقی کے لیے تعاون کی تیاری کو اجاگر کیا جائے گا جو ”سوچیں، تبادلہ کریں اور عمل کریں“ کے ماڈل سے ہم آہنگ ہے۔یہ دورہ اقتصادی سفارت کاری کو مضبوط بنانے اور سرمایہ کاری، ٹیکنالوجی اور پائیدار ترقی کے شعبوں میں اسٹریٹجک شراکت داریوں کے فروغ کے لیے پاکستان کے عزم کی توثیق کرتا ہے
Comments are closed.