عسکر انٹرنیشنل رپورٹ
اسلام آباد: عالمی یومِ سیاحت 2025 کے موقع پر صدرِ مملکت آصف علی زرداری نے کہا ہے کہ سیاحت نہ صرف پاکستان کی معیشت کو فروغ دے سکتی ہے بلکہ خواتین اور نوجوانوں کو بااختیار بنانے اور مقامی معاشروں کی ترقی میں بھی مددگار ثابت ہو سکتی ہے۔
صدر زرداری نے اس سال کے عالمی یومِ سیاحت کے موضوع “سیاحت اور پائیدار تبدیلی” کی اہمیت پر زور دیتے ہوئے کہا کہ ماحولیاتی تبدیلی، گلیشیئرز کا پگھلاؤ اور شدید موسمی حالات پاکستان کے سیاحتی ورثے کے لیے بڑے چیلنجز ہیں۔ انہوں نے انتہاپسندی اور عدم برداشت کو بھی سیاحت کی ترقی میں بڑی رکاوٹ قرار دیا۔
صدر نے کہا کہ حکومتِ پاکستان سیاحت کو اقوام متحدہ کے ترقیاتی اہداف کے مطابق فروغ دے رہی ہے، اور گرین سرٹیفیکیشن، کمیونٹی بیسڈ اور ماحولیاتی سیاحت پر خصوصی توجہ دی جا رہی ہے۔ انہوں نے زور دیا کہ نجی شعبہ، سول سوسائٹی اور نوجوان پاکستان کو عالمی سیاحتی مرکز بنانے میں کلیدی کردار ادا کر سکتے ہیں۔
انہوں نے واضح کیا کہ سیاحت کے فروغ کے لیے سب کو مل کر کام کرنا ہوگا اور اسے قومی ترجیح بنایا جانا چاہیے۔ صدر زرداری نے کہا کہ پاکستان قدرتی حسن، تاریخی ورثہ اور مہمان نوازی کا حامل ملک ہے، اور سیاحت امن و ہم آہنگی کے فروغ اور ثقافتی ورثے کے تحفظ کا بھی مؤثر ذریعہ ہے۔
Comments are closed.