عسکر انٹرنیشنل رپورٹ
اسلام آباد، 28 نومبر — اینٹی نارکوٹکس فورس (اے این ایف) نے ملک کے مختلف علاقوں میں منشیات اسمگلنگ کے خلاف جاری کریک ڈاؤن کے دوران پانچ کامیاب کارروائیاں کیں، جن میں خاتون سمیت پانچ ملزمان گرفتار ہوئے، جبکہ مجموعی طور پر 254.8 کلوگرام منشیات برآمد کی گئیں، جن کی مالیت دو کروڑ نو لاکھ روپے سے زائد بتائی گئی ہے۔
اے این ایف کے مطابق:
— نیشنل ہائی وے، حیدرآباد میں گاڑی سے 72 کلوگرام چرس برآمد ہوئی اور دو ملزمان کو گرفتار کیا گیا۔
— اسی ہائی وے پر ایک اور کارروائی کے دوران 62.4 کلوگرام چرس ضبط کی گئی اور ایک ملزم کو حراست میں لیا گیا۔
— درہ آدم خیل، ڈسٹرکٹ کوہاٹ میں آپریشن کے دوران 72 کلوگرام چرس برآمد کی گئی۔
— پسنی، ڈسٹرکٹ گوادر کی کوسٹل لائن سے جھاڑیوں میں چھپائی گئی 30 کلوگرام چرس اور 10 کلوگرام آئس برآمد کی گئی۔
— موٹر وے ٹول پلازہ اسلام آباد کے قریب ایک مسافر خاتون اور مرد سے 8.4 کلوگرام چرس برآمد ہوئی، دونوں کو موقع پر گرفتار کیا گیا۔
اے این ایف نے تمام کارروائیوں میں انسدادِ منشیات ایکٹ 1997 کے تحت مقدمات درج کر کے مزید تحقیقات شروع کر دی ہیں۔
ترجمان اے این ایف کے مطابق فورس ملک بھر میں منشیات کے خلاف زیرو ٹالرنس پالیسی پر کاربند ہے اور منظم نیٹ ورکس کے خلاف بھرپور کارروائیاں جاری رہیں گی۔
Comments are closed.