عسکر انٹرنیشنل رپورٹ
پنجگور، 19 اکتوبر 2025 — ڈپٹی انسپکٹر جنرل (ڈی آئی جی) مکران جناب پرویز خان عمرانی نے ہفتے کے روز ایس پی پنجگور کیپٹن (ر) دوست محمد بگٹی کے ہمراہ تھانہ ساریکوران اور تھانہ تَسپ کا تفصیلی دورہ کیا۔
دورے کے دوران ڈی آئی جی مکران نے سیکیورٹی انتظامات کا جائزہ لیا اور موجودہ صورتحال کے پیش نظر مزید مؤثر اقدامات کرنے کی ہدایات جاری کیں۔
انہوں نے پولیس جوانوں کو ضلع میں امن و امان کی مجموعی صورتحال پر بریفنگ دی، جس میں تھانہ تَسپ پر حالیہ حملوں، ممکنہ خطرات اور عوام کے جان و مال کے تحفظ کے حوالے سے کیے گئے اقدامات پر زور دیا گیا۔
ڈی آئی جی مکران نے تمام پولیس یونٹس کے درمیان مؤثر رابطے اور ہوشیاری میں اضافہ کرنے کی خصوصی ہدایات دیں۔
انہوں نے ہدایت کی کہ:
ضلع بھر میں گشت کو یقینی بنایا جائے۔
ناکوں پر گاڑیوں اور افراد کی مؤثر چیکنگ کی جائے۔
مشکوک افراد کی فوری نشاندہی اور جانچ کی جائے۔
جرائم کی روک تھام اور تفتیشی عمل کو مزید تیز کیا جائے۔
ڈی آئی جی مکران نے پولیس اہلکاروں کی محنت اور عزم کو سراہتے ہوئے کہا کہ امن و امان کا قیام اور عوام کا اعتماد حاصل کرنا مکران پولیس کی اولین ترجیح ہے۔
Comments are closed.