اسلام آباد | 22 نومبر 2025
انسدادِ منشیات فورس (اے این ایف) نے تعلیمی اداروں کے اطراف، ایئرپورٹ اور ساحلی پٹی سمیت مختلف علاقوں میں تین کامیاب کارروائیاں کرتے ہوئے دو ملزمان کو گرفتار کر لیا اور 
مجموعی طور پر 56.750 کلوگرام منشیات برآمد کی، جن کی مالیت 4 کروڑ 37 لاکھ روپے سے زائد بتائی جاتی ہے۔
ترجمان اے این ایف کے مطابق اسلام آباد میں سنگجانی ٹول پلازہ کے قریب کارروائی کے دوران ایک رکشہ سے 3.6 کلوگرام چرس برآمد کی گئی اور ملزم کو موقع پر گرفتار کر لیا گیا۔
کراچی کے جناح انٹرنیشنل ایئرپورٹ پر دبئی جانے والے ایک مسافر کے سامان سے اسپغول کی بوتل میں چھپائی گئی 0.150 کلوگرام کوکین برآمد ہوئی، جس پر مسافر کو حراست میں 
لے لیا گیا۔
گوادر کے چربدر کوسٹل لائن پسنی کے قریب چھپائی گئی 30 کلوگرام ہیروئن اور 23 کلوگرام آئس بھی برآمد کی گئی، جسے اسمگلنگ کے لیے تیار کیا گیا تھا۔
تمام مقدمات انسدادِ منشیات ایکٹ 1997 کے تحت درج کر کے مزید تحقیقات شروع کر دی گئی ہیں۔
Comments are closed.